Нашы сябры

Літаратурная віктарына. Творы Васіля Быкава

Пра які свой твор В. Быкаў сказаў:

1. «У аснову гэтай аповесці пакладзены праўдзівы факт, які меў месца на апошнім годзе вайны ў Аўстрыі, калі воляю выпадку сышліся разам палонны беларус і італьянская дзяўчына, што ўцяклі з нямецкага канцлагера. Трывожным і кароценькім быў час іх нечаканага кахання, за які адзін з іх заплаціў жыццём, а для другой гэтыя тры разам пражытыя дні засталіся назаўжды зоркавым часам, найвышэйшым узлётам яе дум і памкненняў»?

2. «У гэтай аповесці мне хацелася паказаць шляхі выбару, прасачыць за псіхалогіяй чалавека, які стаў на шлях здрады, але раптам даведаўся пра Сталінград. Антыпод яму — Зося, якая зрабіла свой выбар даўно, у самым пачатку»?

3. «…Мяне тут перш за ўсё цікавіла мера чалавечай адказнасці. Як вядома, на вайне выконваюцца загады старэйшых начальнікаў. I адказнасць за поспех або няўдачу той ці іншай аперацыі дзеліцца папалам паміж яе выканаўцам і кіраўніком. А тут выпадак, калі ініцыятарам аперацыі выступае сам выканаўца — малодшы афіцэр, але ўся справа ў тым, што гэтая ягоная ініцыятыва заканчваецца поўным фіяска.

…Але калі ён з тых людзей, аб якіх сказана, што іх можна забіць, але немагчыма перамагчы, дык яго паражэнне ператвараецца ў іншую, процілеглую, якасць»?

4. «Што такое камбат на фронце? Гэта як старшыня калгаса — на ім галоўная адказнасць за поспех справы. Камбату загадана наступаць, а немцы не даюць, салдацкія сілы таюць…

Такіх сітуацый, як у маёй аповесці, на фронце было нямала»?

5. «…Я з самага пачатку ведаў, чаго хачу ў канцы, і паслядоўна вёў маіх герояў да сцэны пакарання смерцю, дзе адзін дапамагае вешаць другога. Не жадаючы таго, амаль пакутуючы. Але такая ўжо логіка фашызму які, ухапіўшы сваю ахвяру за мезенец, не спыніцца да той пары, пакуль не праглыне яе цалкам»?

6. «У часе блакады, акружэння насельніцтва ўцякала з вёсак, хавалася ад фашыстаў у лясах і балотах. Немцы, што называецца, рабілі «зоны пустынь», знішчаючы ўсіх. Вось аб адным з такіх выпадкаў мне расказалі, астатняе — справа ўяўлення»?

7. «Непераходная каштоўнасць, магчыма, самая важная — чалавечае жыццё. Пра гэта варта памятаць заўсёды. Але цяпер — тым больш, бо паявілася небяспека знішчэння чалавечага роду. I хоць пра гэта ў маёй аповесці няма асобных раздзелаў, але матыў такі ў ей, думаю, існуе, прабіваецпа праз радкі»?

 

Адказы

1. «Альпійская балада». 2. «Пайсці і не вярнуцца». 3. «Дажыць да світання». 4. «Яго батальён». 5. «Сотнікаў». 6. «Воўчая зграя». 7. «Кар’ер».

 

Аўтар А. В. Солахаў

 
__________________
 
Отношения в рабочем коллективе могут быть самыми разными. Среди людей, с которыми вам постоянно приходится иметь дело, представители с разным уровнем образования, социальным статусом, отношением к работе и жизни в целом. Служебный этикет призван стирать определённое неравенство, но вместе с тем поддерживать субординацию и дисциплину между деловыми партнёрами посредством принятых норм и правил. Знание и соблюдение принципов служебного поведения – важнейшее из профессиональных качеств, которое необходимо приобретать и совершенствовать для достижения благоприятных взаимоотношений в коллективе, повышения качества работы и личных успехов.
 

Падзяліцца з сябрамі

Паважаныя сябры! Калі вам падабаецца наш рэсурс і вы знайшлі яго карысным, прапануйце Добрага настаўніка сваім сябрам і знаёмым з дапамогай кнопак сацыяльных сетак. А таксама не саромцеся пакідаць свае водгукі, пажаданні і прапановы. Дзякуй!

Іншыя карысныя матэрыялы

Пакінуць водгук

Што шукаеш?