Нашы сябры

Віктарына. “Што я ведаю аб прыродзе сваёй краіны”


Клас дзеліцца на тры каманды: «Лесавічкі», «Вадзянікі», «Пташачкі».

Прадстаўляецца журы (гэта могуць быць бацькі або вучні старэйшых класаў)

Заданні віктарыны:

1. Намаляваць эмблему своёй каманды.

2. Адгадаць загадкі.

Без страху, без гора,
Пралятае рэкі і мора. (Птушка.)

Крылле ёсць,
Ды не лятае,
Ног няма,
А не дагоніш. (Рыба.)

Без ног бяжыць. (Вада.)

Рук многа, а нага адна. (Дрэва.)

Паверх лесу агонь гарыць. (Рабіна.)

Хоць малы ён, часам з кулак,
Але ў руку не возьмеш ніяк. (Вожык.)

У нашай нявесты
Рубашак больш як дзвесце,
А вецер павее —
I цела відно. (Курыца.)

3. Знайсці лішняе слова.

Словы для каманды «Лесавічкі»:

— карова, конь, ліса, дзік, верабей;

— ёлка, таполя, бяроза, рабіна, ліпа.

Словы для каманды «Вадзянікі»:

— Сож, Бярэзіна, Дняпро, Свіцязь;

— карась, шчупак, барсук, акунь, лінь.

Словы для каманды «Пташачкі»:

— ластаўка, сарока, бусел, шпак, жаваранак;

— пчала, муха, матылёк, сініца, камар.

4. Адказаць на пытанні.

— Якая птушка падкідвае свае яйка іншым птушкам? (Зязюля.)

— Чым нельга карміць птушак? (Чорным хлебам.)

— Назваць драпежную рыбу беларускіх вадаёмаў. (Шчупак.)

— Адкуль бяруць пачатак рэкі? (З крыніцы.)

— Як называецца смала сасны? (Жывіца.)

— З кары якога дрэва плялі абутак? (З ліпы.)

Паўза-жарт

Вучні загадзя рыхтуюць інсцэніроўку пацешкі «Певунок».

Дзяўчынка.

— Кукарэку, певунок!
Дзе ж пашыў ты кажушок?
Дзе ж пашыў ты раскажы,
Нашым дзеткам пакажы.

Хлопчык (пеўнік).

— Сам пашыў і сам надзеў
I ў люстэрка паглядзеў.
Буду песенькі спяваць,
Разам з люлькай танцаваць.

Журы падводзіць вынікі віктарыны і ўзнагароджвае каманду-пераможцу.

Падзяліцца з сябрамі

Паважаныя сябры! Калі вам падабаецца наш рэсурс і вы знайшлі яго карысным, прапануйце Добрага настаўніка сваім сябрам і знаёмым з дапамогай кнопак сацыяльных сетак. А таксама не саромцеся пакідаць свае водгукі, пажаданні і прапановы. Дзякуй!

Іншыя карысныя матэрыялы

Пакінуць водгук

Што шукаеш?