Праверачныя пытанні і заданні. 9 клас. Якуб Колас «Новая зямля». Частка 1
Беларуская літаратура 9 клас
Праверачныя пытанні і заданні па тэме: Вырашэнне праблемы “чалавек і сям’я” ў паэме Якуба Коласа “Новая зямля”
Пытанні і заданні па твору
— Якія праблемы ўзнімаюцца ў паэме Якуба Коласа “Новая зямля”?
— Ці лёгка стварыць сям’ю? Ці лёгка жыць у сям’і? Чаму вы так лічыце?
— Па якому прынцыпу жыве сям’я Міхала? Што ўяўляе сабой гэты прынцып? Пацвердзіце сваю думку цытатамі з твора.
— Які настрой часцей за ўсё пануе ў доме Міхала? Ці сварацца героі паміж сабой? За што?
— Як размеркаваны абавязкі ў сям’і Міхала? Ці ўплывае гэты фактар на ўзаемаадносіны ў сям’і? абгрунтуйце сваё меркаванне.
Сапраўдная сям’я тая, у якой ёсць дзеці. Сям’я Міхала багатая на дзяцей.
— Хто займаецца выхавннем дзяцей? Як адбываецца працэс выхавання?
— Ці можна лічыць жыццё дзяцей бестурботным? Чаму вы так лічыце?
Параўнайце сваё жыццё з жыццём дзяцей Міхала.
— Хто, на вашу думку, шчаслівейшы? Чаму?
— Ці хацеў Міхал бачыць сваіх дзяцей шчаслівымі? Як разумее Міхал паняцце быць шчаслівым? Ці дбае ён пра будучыню сваіх дзяцей?
— Чаму дзеці найбольш любілі дзядзьку Антося? Кім ён для іх быў? Зачытайце адпаведныя радкі.
— Ці хацелі б вы стварыць такі мікраклімат у сваёй сям’і, які пануе ў сям’і Міхала? Абгрунтуйце сваю думку.
Творчае заданне.
Праінсцэніраваць урывак, які найбольш спадабаўся, дзе паказаны праблемы выхавання.
Дамашняе заданне.
Падрыхтуйце разгорнуты адказ на пытанні:
— Праблема выхавання моладзі: наколькі яна з’яўляецца актуальнай у сучасным грамадстве?
— Ці лёгка сёння выхоўваць?
Глядзець частку 2 па тэме Якуб Колас «Новая зямля»
Падзяліцца з сябрамі
Паважаныя сябры! Калі вам падабаецца наш рэсурс і вы знайшлі яго карысным, прапануйце Добрага настаўніка сваім сябрам і знаёмым з дапамогай кнопак сацыяльных сетак. А таксама не саромцеся пакідаць свае водгукі, пажаданні і прапановы. Дзякуй!