Добры настаўнік

Парадак марфалагічнага разбору безасабова-прэдыкатыўных слоў

У ВНУ

1. Часціна мовы.

2. Разрад паводле паходжання (суадносін з іншымі часцінамі мовы): невытворнае — толькі безасабова-прэдыкатыўнае або вытворнае — суадноснае з прыслоўем, прыметнікам, назоўнікам, дзеясловам.

3. Лексіка-семантычны разрад (абазначае псіхічны або фізічны стан чалавека, стан прыроды, ацэнку стану, меру чаго-небудзь і інш.).

4. Форма ступені параўнання (калі ёсць): вышэйшая, найвышэйшая — простая ці складаная.

5. Форма ацэнкі і меры (калі ёсць).

6. Сінтаксічная функцыя.

Узоры выканання марфалагічнага разбору безасабова-прэдыкатыўных слоў

На дварэ было вельмі холадна.

У ВНУ

1. Холадна — безасабова-прэдыкатыўнае слова.

2. Вытворнае (суадноснае з прыметнікам халодны).

3. Абазначае стан прыроды.

4. —

5. —

6. Уваходзіць у склад выказніка было холадна.

 

Трэба было дачакацца раніцы, каб пераправіцца праз раку.

У ВНУ

1. Трэба — безасабова-прэдыкатыўнае слова.

2. Невытворнае.

3. Абазначае неабходнасць дзеяння.

4. —

5. —

6. Уваходзіць у склад выказніка трэба было дачакацца.

 

Водгукі на “Марфалагічны разбор безасабова-прэдыкатыўных слоў. Парадак і прыклады марфалагічнага разбору безасабова-прэдыкатыўных слоў.”