Добры настаўнік

Парадак марфалагічнага разбору мадальных слоў

1. Часціна мовы.

2. Разрад паводле значэння: выражаюць упэўненасць, перакананне, сцвярджэнне; перадаюць няўпэўненасць, меркаванне, сумненне.

3. Разрад паводле паходжання (суадносін з іншымі часцінамі мовы): невытворныя ці вытворныя — ад якой часціны мовы паходзяць.

4. Сінтаксічная функцыя.

Узоры выканання марфалагічнага разбору мадальных слоў

Мусіць, няма на свеце лепшай асалоды, чым тая, якую дорыць душы чалавека песенны перадвячэрні лес.

1. Мусіць — мадальнае слова.

2. Выражае няўпэўненасць, меркаванне.

3. Вытворнае, суадноснае з дзеясловам мусіць.

4. Выступае як пабочнае слова.

Канечне, вельмі добра ведаць мову суседзяў, але найперш трэба ведаць сваю.

1. Канечне — мадальнае слова.

2. Выражае упэўненасць, перакананне.

3. Вытворнае, суадноснае з прыслоўем.

4. Выступае як пабочнае слова.