Добры настаўнік

Парадак марфалагічнага разбору выклічніка

У ВНУ

1. Часціна мовы.

2. Разрад з улікам паходжання (суадносін з іншымі часцінамі мовы): невытворны ці вытворны — ад якой часціны мовы паходзіць.

3. Разрад паводле значэння: эмацыянальны, волевыяўленчы ці моўнага этыкету (што выражае).

У школе

1. Часціна мовы.

2. Якія пачуцці і пабуджэнні выражае: радасць, захапленне, здзіўленне, гора, страх і інш.; заклік, зварот, загад, прывітанне, развітанне, падзяку і інш.

Узоры выканання марфалагічнага разбору выклічніка

О, каб я меў такія рукі, зямля, абняў бы я цябе.

У ВНУ

1. О — выклічнік.

2. Невытворны.

3. Эмацыянальны (выражае жаданне з адценнем жалю).

У школе

1. О — выклічнік.

2. Выражае жаданне з адценнем жалю.

 

Добры дзень, аснежныя прасторы, добры дзень, сталіца хараства!

У ВНУ

1. Добры дзень — выклічнік.

2. Вытворны (паходзіць ад спалучэння прыметніка добры і назоўніка дзень).

3. Са значэннем моўнага этыкету (выражае прывітанне).

У школе

1. Добры дзень — выклічнік.

2. Выражае прывітанне.