Нашы сябры

Марфалагічны разбор злучніка. Парадак і прыклады марфалагічнага разбору злучніка.

Парадак марфалагічнага разбору злучніка

У ВНУ

1. Часціна мовы.

2. Разрад паводле паходжання (суадносін з іншымі часцінамі мовы): невытворны ці вытворны — ад якой часціны мовы паходзіць.

3. Разрад з улікам структуры: просты ці састаўны.

4. Разрад паводле спосабу ўжывання: адзіночны, паўторны ці парны.

5. Разрад паводле функцыянальнага значэння: злучальны ці падпарадкавальны (тып з улікам выражаных адносін).

6. Якія сінтаксічныя адзінкі звязвае (члены сказа, часткі складанага сказа, самастойныя сказы).

У школе

1. Часціна мовы.

2. Разрад паводле складу: просты ці састаўны.

3. Разрад паводле спосабу ўжывання: адзіночны, паўторны ці парны.

4. Разрад паводле значэння: злучальны ці падпарадкавальны.

Узоры выканання марфалагічнага разбору злучніка

Свяціла сонца, звінелі недзе нябачныя птушкі — дзень быў цёплы і ясны.

У ВНУ

1. І — злучнік.

2. Невытворны.

3. Просты.

4. Адзіночны.

5. Злучальны (спалучальны).

6. Звязвае аднародныя члены сказа.

У Школе

1. І — злучнік.

2. Просты.

3. Адзіночны.

4. Злучальны (спалучальны).

 

Адразу ўсюды ўсе пазнаюць, што ты савецкі чалавек.

У ВНУ

1. Што — злучнік.

2. Вытворны (паходзіць ад займенніка што).

3. Просты.

4. Адзіночны.

5. Падпарадкавальны (тлумачальны).

6. Звязвае часткі складаназалежнага сказа.

У школе

1. Што — злучнік.

2. Просты.

3. Адзіночны.

4. Падпарадкавальны (тлумачальны).

 

Для таго каб праца давала плённыя вынікі, трэба прывучаць да сталых і сур’ёзных адносін да яе з маладых гадоў.

У ВНУ

1. Для таго каб — злучнік.

2. Вытворны (паходзіць ад спалучэння прыназоўніка для, займенніка таго і простага злучніка каб).

3. Састаўны.

4. Адзіночны.

5. Падпарадкавальны (мэтавы).

6. Звязвае часткі складанага сказа.

У школе

1. Для таго каб — злучнік.

2. Састаўны.

3. Адзіночны.

4. Падпарадкавальны (мэтавы).

 

Падзяліцца з сябрамі

Паважаныя сябры! Калі вам падабаецца наш рэсурс і вы знайшлі яго карысным, прапануйце Добрага настаўніка сваім сябрам і знаёмым з дапамогай кнопак сацыяльных сетак. А таксама не саромцеся пакідаць свае водгукі, пажаданні і прапановы. Дзякуй!

Іншыя карысныя матэрыялы

Пакінуць водгук

Што шукаеш?