Нашы сябры

Разбор фразеалагізмаў. Парадак і прыклады разбору фразеалагізмаў.

Парадак разбору фразеалагізмаў

У ВНУ

1. Значэнне фразеалагізма.

2. Пачатковая форма (калі граматычна галоўнае слова зменнае).

3. Тып фразеалагізма:

а) паводле семантычнай злітнасці кампанентаў (зрашчэнне, адзінства, спалучэнне);

б) паводле структуры (словазлучэнне, спалучэнне, сказ);

в) паводле суадноснасці з часцінамі мовы (назоўнікавы, прыметнікавы, дзеяслоўны, прыслоўны);

г) паводле паходжання (спрадвечна беларускі, запазычаны);

д) паводле стылістычнай прыналежнасці (міжстылявы, гутарковы, кніжны).

4. Сінтаксічная функцыя.

У школе

1 Значэнне фразеалагізма.

2. Сінтаксічная роля.

Узоры выканання разбору фразеалагізмаў

Цяжка заўважыць змены, калі яны адбываюцца на вачах.

У ВНУ

1. На вачах — увачавідкі, хутка.

2. Пачатковая форма — на вачах.

3. Фразеалагічнае адзінства, паводле структуры — спалучэнне, фразеалагізм прыслоўны, спрадвечна беларускі, міжстылявы.

4. Выконвае функцыю акалічнасці спосабу дзеяння.

У школе

1. На вачах — увачавідкі, хутка.

2. З’яўляецца акалічнасцю.

 

Вясна ўсё больш бралася ў сілу.

У ВНУ

1. Бралася ў сілу — усталёўвалася.

2. Пачатковая форма — брацца ў сілу.

3. Фразеалагічнае спалучэнне, паводле структуры — словазлучэнне, фразеалагізм дзеяслоўны, спрадвечна беларускі, міжстылявы.

4. Выконвае функцыю выказніка.

У школе

1. Бралася ў сілу – усталёўвалася.

2. З’яўляецца выказнікам.

 

Падзяліцца з сябрамі

Паважаныя сябры! Калі вам падабаецца наш рэсурс і вы знайшлі яго карысным, прапануйце Добрага настаўніка сваім сябрам і знаёмым з дапамогай кнопак сацыяльных сетак. А таксама не саромцеся пакідаць свае водгукі, пажаданні і прапановы. Дзякуй!

Іншыя карысныя матэрыялы

Пакінуць водгук

Што шукаеш?