Вітаем

 

Добры настаўнік рад вітаць вас на старонках свайго блога!

Наш праект створаны ў дапамогу настаўнікам беларускай мовы і літаратуры, з якімі Добры настаўнік з радасцю дзеліцца сваімі распрацоўкамі ўрокаў і пазакласных мерапрыемстваў, дыдактычнымі матэрыяламі і іншай інфармацыяй для арганізацыі навучальнай і пазашкольнай дзейнасці. Цікавыя і карысныя матэрыялы змогуць адшукаць для сябе настаўнікі як пачатковай, так і сярэдняй школы. 

Апроч гэтага, на нашых старонках прадстаўлены распрацоўкі і матэрыялы, якія будуць у дапамогу і іншым настаўнікам-прадметнікам, а таксама класным кіраўнікам школ з беларускай мовай навучання. Канспекты розных урокаў і тэматычных класных гадзін, сцэнарыі пазакласных мерапрыемстваў і падказкі па арганізацыі вольнага часу школьнікаў — гэта і шматлікае іншае сабраў на сваіх старонках Добры настаўнік.

Наш рэсурс зацікавіць і студэнтаў педагагічных факультэтаў, якім давядзецца рабіць пакуль яшчэ свае першыя крокі на настаўніцкай ніве. На старонках Добрага настаўніка вы знойдзеце матэрыялы, якія стануць выдатнай падтрымкай для праходжання педагагічнай практыкі. 

Не мог Добры настаўнік пакінуць убаку і вучняў. Нам выдатна вядома, з якім трудом даецца цяперашняму пакаленню вывучэнне роднай мовы. Таму мы паспрабуем трохі дапамагчы вам у гэтай нялёгкай справе. 

Жадаем прыемнага і карыснага баўлення часу на старонках Добрага настаўніка!

Будзем удзячныя за вашы водгукі, каментарыі, прапановы!

З павагай, Добры настаўнік.

Што шукаеш?

Нашы сябры