Добры настаўнік

Тэма: Мікола Хведаровіч “Верасень”.

Мэта: Удасканальваць правільнае, асэнсаванае, беглае чытанне; развіваць уменне выкарыстоўваць сродкі выразнага чытання, назіраць за рыфмай вершаў, вызначаць іх агульны эмацыянальны настрой; пашыраць веды об прыметах восені; выхоўваць любоў да прыроды.

Тып урока: Камбінаваны.

Абсталяванне: падручнік “Літаратурнае чытанне” 4 клас.

Ход урока

Арганізацыйны момант.

— Пачынаем урок літаратурнага чытання. Сядайце, калі ласка.

Праверка дамашняга задання.

— Над якім творам вы працавалі дома? Якое заданне вам было дана?

— Эдуард Шым “Цяжкая праца”. Трэба было скласці апавяданне аб тым, як мы дапамагаем жывёлам і птушкам.

Апавяданні вучняў.

Паведамленне тэмы. Уступная гутарка.

— З творамі на якую тэму мы знаёмімся з вамі?

— Мы знаёмімся з творамі аб восені.

— З чаго пачынаецца восень?

— Дні становяцца карацее, сонейка не так грэе, птушкі збіраюцца ў вырай, пачынае ападаць лісце, трэба ісці ў школу.

— Добра. З гэтага пачынаецца восень у прыродзе. А з чаго пачынаецца каляндарная восень?

— З верасня.

— А ці ведаеце вы, як сустракае восень лес і яго жыхары? (Меркаванні вучняў.) Аб гэтым нам дапаможа даведацца Мікола Хведаровіч у сваім вершы “Верасень”.

Знаёмства з новым творам.

— Адкрыйце падручнікі на старонке 20. Прачатайце самастойна верш, вызначце, калі сустрэнуцца, незразумелыя словы.

Ржэўнік – поле, на якім засталося ржышча.

— Зараз прачытаем верш услых і адкажам, які настрой пабудзіў ён у вас? Чаму?

— Верш пабудзіў крыху сумны настрой, таму што змоўклі птушак галасы і дзянькі сталі маленькія. Але лес стаў прыгожы і ўсе яго жыхары бадзёра сустракаюць восень, таму і настрой вясёлы.

Работа над творам.

— Якой паказаў нам аўтар восень?

— Прыгожай і шчодрай да лясных жыхароў.

— Якія карціны лясной прыроды апісаны аўтарам?

— Лес пажаўцеў і стаў ціхім, з’явілася шмат грыбоў, жывёлы рыхтуюць запасы.

— Якім бы вы намалявалі вераснёвы лес?

Вуснае маляванне.

— Знайдзіце і зачытайце словы, якія дапамагаюць паэту прадставіць лясную прыроду як жывую істоту. Пералічыце прыметы лясной прыроды, згаданыя ў вершы.

Выбарачнае чытанне.

Вынікі ўрока. Дамашняе заданне.

— Якая тэма гэтага верша?

— Тэма верша – надыход восені ў лесе.

— Што новага і цікавага вы даведаліся з гэтага верша?

— Даведаліся, што ранняй восенню лес становіцца прыгожым, з’яўляецца шмат грыбоў, для жывёл шмат ежы і яны рахтуюцца да зімы.

— Да наступнага ўроку падрыхтуйце выразнае чытанне верша.