План-канспект. Беларуская мова. 2 клас. Галосныя літары і гукі.
7. Фізкультмінутка.
— Вы добра папрацавалі, і зараз самы час адпачыць.
Я маленькі дравасек!
Так я сёння дрэвы сек… (Імітуюць рухі дрывасека.)
Пянёк справа, пянёк злева… (Нахіляюцца.)
Ой! Спіна мая замлела! (Нахіляюцца назад.)
Ціхенька селі за парты. Працягваем урок.
8. Паўтарэнне. Правапіс галосных.
— Вернемся зноў да нашых прыказак. Звярніце ўвагу на слова белыя. Пастаўце націск.
— Белыя – націск падае на першы склад бе-.
— Мяне цікавіць вось якое пытанне: чаму ў слове бялець, утвораным ад слова белы, пішыцца літара я замест е? Растлумачце. Прывядзіце прыклады на гэта правіла.
— У беларускай мове замест літар е і ё ў першым складзе перад націскам пішыцца я. Мёд – мядок, снег – сняжок.
— Добра. А зараз самастойна змяніце словы корміць і поіць з апошняй прыказкі, выкарыстоўваючы яшчэ адно правіла напісання галосных у беларускай мове.
— Корміць – карміць, поіць – паіць.
— Якім правілам вы карысталіся?
— У беларускай мове гукі [о], [э] пішуцца толькі пад націскам, без націску замест іх гучыць і пішацца [а].
— Малайцы. Прывядзіце праклады слоў, дзе літара э пераходзіць у літару а.
— Рэчка – рака, трэск – трашчаць.
9. Замацаванне ведаў.
Вучні самастойна выконваюць тэставыя заданні на картках.
1. Адзначце знакам “+” галосныя гукі:
Варыянт 1 а) [М]; б) [О]; в) [Н]; г) [А]; д) [Р]. |
Варыянт 2 а) [Н]; б) [У]; в) [М]; г) [О]; д) [С]. |
2. Колькі галосных гукаў у слове? Адзначце правільны адказ знакам “+”.
Аўтобус а) 4; б) 3; в) 5. |
Ластаўка а) 4; б) 3; в) 5. |
3. Колькі складоў у слове? Правільны адказ адзначце знакам “+”:
Ягады а) 5; б) 3; в) 4. |
Арэхі а) 5; б) 3; в) 4. |
4. Адзначце знакам “+” словы, у якіх літары о, э перайшлі ў а:
Варыянт 1 а) Сасна; б) Страла; в) Цэны; г) Цана. |
Варыянт 2 а) Раса; б) Страха; в) Рэкі; г) Рака. |
5. Адзначце знакам “+” словы, у якія трэба ўставіць літару я:
Варыянт 1 а) В…сна; б) З…мля; в) Л..тчык; г) В…дро. |
Варыянт 2 а) Б..роза; б) П…нёк; в) В…ска; г) С…м’я. |
10. Вынік урока. Рэфлексія.
— На гэтым наш урок падышоў да заканчэння. Мы з вамі паўтарылі і абгрунтавалі атрыманыя веды аб галосных гуках і літарах, замацавалі іх, выканаўшы тэставыя заданіі. І таксама паразважалі наконт ролі працы ў нашым жыцці, аб каштоўнасці розных прафесій. Вы ўсе добра папрацавалі. Самымі актыўнымі на ўроку былі… (прозвішчы вучняў).
Выстаўленне адзнак.
— А зараз, калі ласка, прымацуйце лісточкі да нашага Дрэва Настрою. Калі ў вас добры настрой і ўсё было зразумела на ўроку – жоўты; калі нечым не задаволены і нешта не атрымалася – чырвоны; калі дрэнны настрой і трэба дапамога па тэме ўрока – блакітны.
11. Дамашняе заданне.
— Дома я прапаную вам скласці вуснае апавяданне “Кім я буду, калі вырасту”, або намаляваць малюнак на тэму будучай прафесіі. Усім вялікі дзякуй. Урок скончаны.
Старонка: 1 2
Падзяліцца з сябрамі
Паважаныя сябры! Калі вам падабаецца наш рэсурс і вы знайшлі яго карысным, прапануйце Добрага настаўніка сваім сябрам і знаёмым з дапамогай кнопак сацыяльных сетак. А таксама не саромцеся пакідаць свае водгукі, пажаданні і прапановы. Дзякуй!
Шаноуныя!
Прачытау Ваш ліст.
Спадабауся.Дзякуй.
Жадаю Вам усім творчых посьпехау у жыцці і працы.
Добрую справу робіце.
З павагай-Лявон.
Дзякуй за Ваш водгук! Прыемна адчуваць, што наша работа прыносіць карысць. Поспехаў і Вам!